الاخت معلمة 03 تفضلي وصفة المهراس حلوة المهراس على طريقتي ام محمد تاج العجينة: رطل مارغارين طرية رشة ملح كاس سكر قلاصي ومغرف صغيرة فانيلا نخبط الكل مليح ونضيف زوج صفار بيض وبيضة كاملة ونص مغرف صغيرة خميرة القاطو ونخبط ونلم بالفرينة نخليها ترتاح نص ساعة ونشكلها في لي مول سبيسيال تاع المهراس ونثقبها بالكوردو ونطيبها كي طيب نخليها تبرد مليح ونغطس الجوانب في معجون المشمش ونردهم في كاوكاو مرحي رقيق ونذرذر عليهم البريو دوري قبل مانحشيهم خرج تحححفة ومن بعد نحشيهم بالحشو التالي الحشو اختياري انا عملت حشو بلونين خرج تححححفة حطيت كاوكاو مقلي ومرحي بقشورو طبقة اولى غير خفيفة وزدت كمية من النيستلي العادي ابيض ومن بعد كمية من النيستلي كاراماليزي وزينت كيما شفتووو خرج رووعة رووعة ونذرذر رشة خفيفة من البريوو فوق التزيين نحمل الصور للافادة إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.