اخواتي الكريمات ان شاء الله تكونوا كاااامل بالف خير اليوم حبيت نقدملكم هدا الانجاز لي اعتبرتو رااااائع (حوحو يشكر روحو) خدمت هده الطاولة وما كنتش نستنا هده النتيجة عجبتني وفرحت بانجازي ان شاء الله تعجبكم الفكرة وطبقوها راهي ساهلة وادواتها بسييييطة قولوا بسم الله ماشاء الله هنا استعملت 8قارورات عصير رتلتين وقارورة مسحوق الغسيل لسقتهم بشريط لاسق وثبثهم مليح مع بعضهم البعض حبيت الشكل يكون اوفال قطعت ورق الكارتون الخشن على شكل اوفال ولسقتو من اعلى القارورات وفي الاسفل غلفت القارورات بلاوات مثل ماراه مبين فالصورة لتغليف الطاولة استعملت قماش الشورة فصلت قطعتين اوفال وقطعة مستطيلة اولا وضعت قطعة القماش المستطيلة بالمقلوب على القارورات لي غلفتهم بالاوات ثم حكمتو بالدبابيز لاتحصل على قياس مضبوط ثم خيطت مكان الدبابيز بالمشينة عاودت لبست القارورات المستطيل لي خيطتو وضفتلو القطعة العلوية لي فصلتها اوفال شديتها بالدبابيز ثم رجعت وخيطتها بالمشينة والصور توضح الطريقة هنا بعد ما خيطت بالمشينة القطعة الافقية مع المستطيل ثم خيطت جيهة من القالون بالمشينة والجيهة التانية تركتها حتى اضع قطعة الزجاج والصور توضح دالك هده الصور تبين اسفل الطاولة خيطتها باليد ثم اضفت على الخياطة القالون لي لسقتو بالسيليكون وهده الصورة تبين اني وضعت قطعتين من خشب لتفادي حركة الطاولة وفي نفس الوقت حماية القماش من الاتساخ وهده المرحلة الاخيرة تبين كيف نلسق القالون على الزجاج بغراء السيليكون والبيستولي اترككم في امان الله وحفضه تحياتيييييييييييييي سلاااااااااااام