ياقطي وش بيك قا تخزر فيا ............................ ودوّر لي وشراه قلبك راه يقول
تتنهد تنهاد مضرور بكية.................................. وقهرني ذالحال عنك ياتل قول
ياك عندي سلطان مايخصك حية ....................... واللي تامر بيه يحضر عندك طول
بريزيما ميلغرو وزيد اللويا ............................... تعرفني في حاجتك ماني بخول
وانواع الكاشير عندي قا هي .......................... روتي باتي حار واللي عليه تقول
رد علي بنظرتو ثبت فيا .................................... خلاني مبهوت في حالوا مذهول
ماهي ظنة حاجتك حاجة دونية ......................... وحيرني مابيك ما لقيت واش نقول
.................................................. ........ بقلم : قعفازي الحسين ذات يوم من2016
السلام عليكم
ياتل قطك جابتو شين النية.......كانش قطة كرتولك ذ البهلول
بداها بالكشير وحليب اللويا.......واسثقلها في لسانو باش يقول
ذالزوالي شوف لو كانش بية......عرفك مولاها واتحل المقفول
حاشم منك راه مايقولك حية.....من ضركة هنيه واعطيه القبول
تقبل اضافتي يا سي الحسين هههههههههههههههههههههههههههه
مشكووووور على هذه الكلمات الشيقة و الرائعة و على هكذا من حوار جميل
احترامي و تقديري