يا جماعة علاش ما حبيتوش تفهموا بلي جميع البطاقات الصادرة عن البنوك الجزائرية غير صالحة للعمل و الكسب من الأنترنت....هذي بطاقات معمولة خصيصا للناس اللي لاباس بيها و تبغي تحوس و تكري في الفنادق وتتسوق من المراكز التجارية. أما نحن الزوالية اللي نخدموا على شرنا فهي غير صالحة لنا لأسباب سأذكرها و عن تجرية شخصية سابقة :
- البطاقة لن تستقبل أموال من بايبال لأن بنك الخليج لا يسمح بهذه العملية و في كل مرة يرسل بايبال مبالغ إلى البطاقة يقوم بنك الخليج بإرجاعهم لأن سياسة البنك المركزي الجزائري تمنع اسقبال أموال مجهولة المصدر.
- سوف تسأل من طرف مصالح الشرطة و يجوك للدار إذا استقبلت أموال تتعدى 1500 دولار و يديرولك أونكيث صحيحة و يدخلوك في سين و جيم و قد حدث هذا بالفعل لصديق منذ مذة.
- شكون المهبول الي يكشف روحو بالوثائق للسلطات و ينعتلهم واش راه يدير !!
- زيد على هذا البطاقة تعتبر الأغلى من نوعها في العالم...تخسر دراهمك و جهدك و تزيد تكشف روحك و بلاك تدخل للحبس إلا إذا كان سترك ربي سبحانو
و هذه القوانين سارية على جميع البطاقات التي تصدر في الجزائر من bdl cpa bna سوسيتي جنرال و بي أن بي باريبا....لأن المراقب هو البنك المركزي.
بالعربية أخطيك من تكسار الراس....هذه الصعوبات وضعت لتنفير الشعب من امتلاك بطاقة دفع مسبق و في نفس الوقت باش تبان السلطة قدام العالم بلي دارت خطوة نحو تطوير النظام المصرفي...يعني عندنا الفيزا و الماستركارد بصح حتى واحد ما يتحصل عليها..
أتكل على ربي و روح شوف من جهة أخرى يا صديقي.