البسملة1 اليوم جبتلكم كعك من مطبخي اقتصادي وخفيف وهشوش كنت حطيته في الكوزينا وعجب الاخوت وطلبتلي ام حمزة الوصفة تفضلي من عيوني اولى نحتجو كاس ونصف سكر +كاس زيت +2 مغارف كبار خمارة +كاس تع ماء الزهر دافي مبشور البرتقال والقارص +مغرف لفاني +حبة الطيبة بيضة وجلجلان للتزين 800غ فرينة نحطو الفرينة في قصعة ونبسوها وندوبو السكر في الماء الزهر ونفرغوه على الفرينة ونضيفو الزازت ولفاني واللللحبة الطيبة والخميرة ونخلطو كلش بي كف اليد حتى نتحصلو على عجينة طرية نخلوها ترتاح 10 د ومن بعد نبلو يدينا بي الزيت ونشكلوها كويرات كما المعارك او المسمن ونتقبوه في الوسط ونقطعوها من الحواف بي المقص ونحطوها تخمر في صنية مدهونة ونطلوها بي البيض نكونو خفقناه مع مغرف تع خل ونخلوها تخمر في مكان دافي ومن بعد نعاودو ندهنوها بي البيض ونرشوها بي الجلاجلان ونطيبها وهادو الصور اسفة مصورتش كل المرحل مكانش عندي الوقت ولي مفهمتش حاجة انا في الخدمة وهادي النتيجة وش رائيكم