بسم الله الرحمن الرحيم السلام عليكن حبيباتي عضوات وزائرات المنتدى جبتلكم حلوى الصابلي ولكن بالزيت....... للأمانة نفسها وصفة الاخت الصوامعية ورهام ....ولأنو الصور راحو .... قلت نعاود نحطو بالخطوات لعيووونكم غالياتي المقــــادير: كأس زيت كأس سكر عادي كأس ونصف نشاء 3 بيض باكي خميرة الحلوى فاني ملح فرينة التزييـــن: معجون المشمش كاوكاو محمص و مرحي أو نوادكوكو التحضيـــر: بالخلاط الكهربائي او الفوي نخلط البيض ثم السكر ثم نضيف الزيت ونستمر بالخلط من جهة نحط كاس فرينة مع النشاء و الملح و الخميرة نخلطوهم وحدهم ونضيفوهم للخليط ونشيح بالفرينة حتى نتحصلو على عجينة طرية متماسكة نبسط العجينة على الرولو هذا تاع لي طابل باه ماتتشققش العجينة وتسهل الخدمة معاها..... من تحت ومن فوق ونقطع بالطابع اللي نحبو بعد ما نديرولو شوي فرينة باه ماتلصقش العجينة فيه نجربو نطيبو زوج حبات ويلا هبطو نزيدو شوي فرينة تحت درجة حرارة 180 درجة لمدة 7 دقائق أو 8د وزيديلو حوالي دقيقة او زوج شعليلو من فوق ملازمش الحبات يحمارو بزااااف بعد ما نخرجوها من الفرن بحوالي دقيقة نرشو حبات القاطو بالسكر الناعم بعد ما يبردو نلصقو كل زوج بالمعجون ومن الاطراف نزيدو ندهنو بشوي معجون ونرمدو حبة القاطو ف الكاوكاو او النوادكوكو وهذا شكل حبيبات القاطو تاعنا هااااااااايل ومايتشبعش ...... مع الاول يبانلكم يابس مي just يبات ف l'porte manger يرجع طري ويذوب ف الفم اممممممممم اللي عجبني فيه سهل وبسيط واقتصادي وبنيييييييييييين..... قطعلي حوالي 50 حبة حسب الطابع اللي قطعتي بيه وهنا كل مرة ندير شكل مختلف وصلى الله وسلم على نبينا محمد وعلى آله وصحبه أجمعين