السلام عليكم اليوم جبتلكم مقلوبة البدنجان بالارز واللحم المقادير حبات بدنجان حسب افراد العائلة يعني عينك ميزانك ارز الكمية حسب افراد العائلة وحسب حجم المول اللي تستعملوه لحم مقطع قطع صغيرة او لحم مرحي او صدر دجاج كيما تحبوا بصل، زيت، ملح، فلفل اسود، قرفة ،جبن طريقة التحضير نغلي الارز بالماء والملح وورقة رند(ورق موسى) وفلفل اسود وشوية قرفة نتركه يغلي ومرة علة مرة نحرك منخلوهش يطيب كليا يعني نحوه خاصه شوية طياب نصفوه ونتركه على جهة نقطع البدنجان بالطول بعد ما نضفوه ( القشرة اختيارية تنزعيها او تخليبها) نملحوه ونقلوه نضعه فوق ورق ماص ونتركه على جهة في نفس المقلاة نضع ملعقة زبدة وملح وفلفل اسود وبصل مقطع رقيق واللحم نقلي ثم نضيف الماء ( كاس ماء) ونخلي اللحم يطيب بعد ما يطيب نطفي ونحتفظ بالمرق في مول نضع البدنجان على الجوانب و في القاعدة نضيف نصف كمية الارز وفوقها اللحم والجبن ثم نصف الارز المتبقي و نقلب جوانب البدنحان ونغطي الارز نسقيه بكاس مرق وندخله الفرن باش يكمل الارز يطيب وياخد النكهة نتركه حوالي عشرين دقيقة نخرجها من الفرن نتركها قليبلا ثم نقلبها في صحن التقديم