اقتباس:
المشاركة الأصلية كتبت بواسطة hadjer lbc
والله شعورك دخل قلبي حسيت روحي في مكانك ....وألف مبرووك على النجاح إن شاء الله المزيد من النجاحات والابداع في المواسم القادمة .ثقتي بربي وطاعته دومًا تجعلني شجاعة وصبورة مع كل الصعوبات .... أنا نحس روحي مش نقرى بزاف ومش نتعب في روحي ...... أنصحيني أختي ... + حابة نعرف نقاطك ..أنتظر ردَّكِ أخيتي في الله
وإن شاء الله النجاح حليف كل الطلبة
|
ايه ختيتو و انا كنت حابة تحسو روحكم مكاني و تحسو بلفرحة باه تزيد العزيمة تاعكم و متياسوش
كيفاش مش تقراي ؟ قصدك متبذليش مجهودات كافية ؟؟ فهميني واش تقصدي باه نجاوبك بيان !!
شوفي انا عندي قاعدة ندير واش نقدر عليه و ندير لامبوسيبل حتان نحس روحي درت كل مجهودي و منخممش فنتيجة باسكو عابالي بلي درت لامبوسيبل دونك تكون نتيجة مليحة او نو في كل الاحوال مقتنعة بيها
مي نقلك حاجة ضكا انت لا تحسي في روحك مكيش تديري في كل لي تقدري عليه مبعدا فنتائج يغيضك لحال و تقولي كون قريت كثر كون جبت كثر
و ثاني احساسك هذا هو تانيب ضمير على لقراية و هو حاجة مليحة بزاااف تخليك تخدمي و تتالقي و اكوني ذ باست
نورمالمون جاوبت على سؤالك و اذا ككشما قصرت قوليلي نجاوبك
اما بخصوص العلامات فاذا قصدك تاع البيام فهاي ليك :
الرياضيات :18.5
علوم 16.5 اعلى علامة فلمؤسسة خخخخ
عربية 15 و نص حسيت روحي ميقرية ههههه
فرونسي 18.5
اونقلي 19
سبور 16 مكانش معريفة
اسلامية 18 نورمالمون هههه
مدنية 18 ثاني
اجتماعيات 15.5 منيش عبد الحميد بن باديس انا هههههههههههههههههههههه نتمسخر ههه باسكو مراجعتش ههههه
موسيقى 20 ععههه كون نحكيلكم واش درت تشبعو ضحك ههههه
افيزياء 19 و هي اكثر مادة تشوكيت فيها و اذا حبيتو نحكيلكم علاه
هذو هوما نقاطي و الحمد لله
اي استفسار اطرحوووه نورمال متحشموش راكم فداركم هههه