مساء الخيرات
خدي مقدار فنجال ماء الزهر فرغيه في غرفية زيديلو لفاني مغرف صغيرو و سكر رطب حتى تتحصلي على كريمة تكون شوية ثقيلة شوية برك
خدى جفنة صغيرة فرشيها بسكر رطب و احكمي حبات التشاراك ادهنيهم بالخليط السابق بواسطة البانسو مثلا عشر حبات ستفيهم في الجفنة و فرغي السكر رطب الباقي و خليه لمدة 15 د اجبدي بالحبة و نفضيها بالشوية من السكر رطب هكدا حتى تكملي كل الكمية نتاعك من بعدها احكمي صفاية عادية للحليب من الاحسن صفاية البلاستيك ضعي داخلها سكر رطب و رشي حبات التشاراك بالشوية ضعيهم في كيسات التقديم
انا هته الطريقة استعملها دائما خاصة في الاعراس و السكر يشد و مايفسدش خربيها و ادعيلي
تحياتي