[leprence30]

بسم الله والصلاة والسلام على رسول الله
مساء النور والشيكولاته حبايب قلبي اززيكم
يا رب تكونو كلكم بالف خير
الجناش كتير منكم بيسالوني عليه حنشوف 3 استخدامات ليه وطريقته
نخش على المفيد صورة التورتة
نخش على المفيد صورة التو رتة



اول حاجة زي اي تورتة نعمل الكيكة
انا مش حعيد نفس الخطوات هي موجودة هنا بس طبعا انا عملتها بالكاكاو
شلت معلقتين كبار من مقدار الدقيق وحطيت بدالهم كاكاو خام

وحشيتها عادي بكريم شانتيه بالشيكولاته

وغلفتها طبقة رقيقة منه شوفوا


نحاول تكون مظبوطة قد ما نقدر وندخلها التلاجة تجمد على الاقل 4 ساعات
ومهم نكون حاطين تحتها بورد علشان حنشيلها كذا مرة



نروح للمكونات بتاعة الجناش
اولا جناش التغطية:
200 ميلي كريمة - 225 جرام شيكولاته خام (يعني 5 مكعبات من النوع دا) - معلقتين زبدة



نقطع مقدار الشيكولاته بسكينة مشرشرة ونحط الكريمة في حله


نسخن الكريمة لحد ما تبتدي تغلي نطفي عليها ونحط الشيكولاته عليها


ونقلب كويس وبعدين نحط الزبدة ونقلب لحد ما تختفي


كدا خلاص يكون جاهز ونستخدمه علطول


نكون مطلعين التورتة وحطيناها على رف فوق صينية كبيرة
علشان الشيكولاته اللي تنزل نستخدمها تاني


ننزل بالجناش علطول


ونكمل لحد ما ينزل للاطراف لوحده علشان الشكل النهائي يكون ناعم وجميل




نروح للاطراف ونملى الفراغات لحد ما تبقى كدا


والوش


خلاص كدا خلصنا التغطية نحط التورتة في التلاجة ونجهز الجناش التاني



مقادير جناش التزيين او الحشو:
200 ملي كريمة - 270 جرام شيكولاته خام (يعني 6 مكعبات)
معلقتين زبدة

الطريقة نفس اللي فوق بالظبط بس حنزود الشيكولاته لاننا عاوزينها اجمد و حنخليها تبرد خااااالص حتكون كدا


نشيل منها كمية ونحطها في كيس التزيين والباقي حنخفقه علشان نعمل جناش الحشو
انا عملت شوية علشان اوريكم لاني حشيتها كريم شانتيه

قبل الخفق


بعد الخفق


انا عبيت كورن ورسمت بيها على وش التورتة


اخر خطوة نجيب كيس التزيين ونرسم وردات على اطراف التورتة
وحتكون بالشكل دا



افخم تورتة شيكولاته والطعم احلى من الشكل بمرااااحل


















ونقدمها




















تم بحمد الله
ان شاء الله تعجبكم وتجربوها
ما تبخلوش عليا بالرد
في امان الله