السلام عليكم ورحمة الله و بركاته
البارح جاب زوجي الشومبينيون او الفطر الطازج السيد قالك شافو يتباع تشهاه حتى صوروا من عند البائع هههههههههه المهم جاب شوية بزاف درتو على نوعين
الطريقة الاولى :بعد ما غسلتو و نقيتو و عسرتلو شوية قارص باش ما يكحالش
ربيت بصلة صغيرة +ملح +زيت +فلفل اكحل و قليتها مليح امبعد درت الفطر يتقلا معاها امبعد درت شوية ماء حتى طاب امبعد قطعن المعدنوس من الفوق
الطريقة الثانية :درت الدرسة بالثوم و الزيت +الملح+ الكمون غير شوية +الماء و كي غلات درت الشومبينيو و الزيتون و كي طاب قطعت حشيش الشربة من الفوق
و الذوق و الله رائع بزااااف بنين لا تنسون من صالح دعائكن