[غزالة الصّحراء]

المشاركة الأصلية كتبت بواسطة ام حمزة22

سلام
اسعدني مرورك غزالة مشكورو
شوفي غزالة تصميم المطبخ لازم المرة هي لي ديرو لانها نقضي معضم وقتها فيه
وانا كنت حابة تصميم وزوجي حب تصميم آخر ربحتو غير فالنتفدة وعرض المطبخ انا نقست من غرفة وزدت للمطبغ فالازل زوجي كان رافض الفكرة بصع غلبتو هههههههههه
لما كملت الدار وتصبغت قالي عندك الحق لي زدتي للكوزينا هاكدا خير وكنت حابة كونتوار عريض في وسط المطبخ بدل الطابلة لاكن زوجي رفض وما قدرتش نغلبو في هادي هههههه
المهم بخياطتي راح نتحف المطبخ و تشوفوه وان ساء الله يعجبكم
شكرا مرة تانية اختي

أسعدني ردّك اختي ام حمزة.
أنا ثاني حبيت اندير التّصميم كيما أنحب. بصّح في هاذوا الأشغال دائما غالبني . ايشاورني بصّح مايدير غير رايو. أنا قلت أنقصوا للحمام على خاطر بزاف أكبير. وهو قال أنكسر الحيط أنتاع الكوزينة باش أنزيد الاتساع من الصالون. يعني حاب أنديروا مطبخ ( أمريكي ). على رأيو . قلتلوا ماعليش دير كيما أتحبّ المهم غيّر لي التّصميم وخلي المطبخ واسع. ومنّا لهذا ك النهار إن شاء اللّه مانعرف اشكون الي رايح ايكون عندو الحق
أنا ثاني نعرف أنخيط وندير التحف للتزيين بصّح أخسارة مانعرفش نستعمل الماشينة أنتاع الخياطة. جبت وحدة من عند اهلي بصّح لحدّ الآن ماتعلمتش فيها. اللّه غالب ماكانش الوقت. ماعليش المهم لما تصنعي تحف مطبخك أبعثيهم باش نتعلموا منك. ربي يحفظك لينا.