السلام عليكم ...
من يقول الرزق على ربي معه كل الحق ...
من يقول الهجرة فيها طريق خير معه حق لكن اختيار البلد مهم جدا انا مع من يحسن الأختيار و يحمل معه سلاحه هناك - شهادة علمية و تفوق فكري و طموح عالى-ي -
لأنه :
في الجزائر المشكل الأساسي :
- المفكرون قلة و العفن كثير ...
- العاملون قلة و الطفيلون كثر ...
- الناشطون قلة و الفنيانون كثر ...
- الكادحون قلة و المراقبون كثر ...
-
-
-
-
و ضف ما شئت
المشكل في ايجاد الحل المستحيل لمعادلة وضعها غبي و طلبو حلها من مفكر رياضي سبحان الله ...
في الجزائر :
ابسط مثال : بحكم الختصاص :
كي تدخل البلدية أصغر هيئة تقدم الخدمات و تأكل المحرمات ، كي تدخل اواصل الكل يعرف المادة كذا من المرسوم كذا و في حال كذا يتصرف كذا و يكلمك بالقانون و المواد و يطير و يتحط و هو لا علاقة له لا بمفهوم المادة و لا بطريقة و لا ضروف تطبيقها زوج كلمات هزوهم في الفم و حفظوهم في الكولوارات رايحين جايين بيهم ...
كي تدخل معاهم في نقاش و يظهر انك على حق يقولك يا اخي استنى نستفسر و نشوف مع فلان و علان و الأسوأ لما ترجع لمعرفة نتيجة الاجتماع الطارئ حين يشتم ان الفريسة ستفر من بين يديه - يرجعك لنقطة الصفر ... هبلته معايا صح ؟ هذا هو لأسف حال كل الأدارات الجزائرية ...
لما تضح فاتورة اتعابك الكل يجي يطل على المبلغ الصافي هههههههههه و كأنه هو للي خدم .. و كي تجي تخلص يقولك غلطة في التعبير و الجلمة اسمية و الفعل مضارع مرفوع و كملو القصة ... كي توصل تخلص بعد ما خلص المشروع و تهرى يقولك حبيت نشرب قهوة و ما عنديش الصرف يحكملك الوثائق و يشوف معاك يحسبك قهواجي ...
و زيد و زيد و زيد ...
-
-
-
المشكل في الجزائر هيئات معينة تعاملوا معنا على أننا تحت رحمتهم و لسنا هنا ليخدم كل منا أخاه ..
المشكل في الجزائر سياسات كثيرة كان هدفها تجهيل المثقف و المفكر و العامل و تعظيم شأن الراشي و الزاني و للي بلا وذنين و للي و للي ...
المشكل في الجزائر رانا عارفين بتعفن و عارفين المصدر لكن مشلولين بالتقدم لأنك حتى لو في نيتك تشكي و تغير و تحسن و تزيح العفن كي تباشر بالكتابة القلم ينفذ و الأوراق تغلى و المكتبات تصد و البريد مضرب و في الأخير يفشلوا رجليك خاطر حمل الطعون و الشكاوي و محاضر التلبس تاعك خاصها بزاف اتكيت باش توصل للمدير و لا رئيس البلدية ما بالك بالوزير و لا رئيس الدولة ...
سأواصل كي نشرب كأس ماء ...