السلام عليكم و رحمة الله تعالى و بركاته
ماتنساونيش ادوني معاكم انا نطيبلكم الغدا شخشوخة مانقدرش للوقفة بزاف و الانحناء لكن بناتي شاطرات ينوبو عني
استاذة الحركاتية وش نقلك و وين لقى لكلام الي يوفيلك حقك
امس النت راحت عليا و قعدت نحربط على الملاحظة و تمنيتك تقوليلها بالضبط الي قلتيهولها
الصباح قرات حرف حرف كلامك و قعدت غير تمصمص في شواربها
نقلك تفاجأت بالنقطة و قاتلي نوغمالمون راهي فاهمة بلي غلطة ماقصدتهاش وفهمت قصدي و ضحكت معايا ووووووو
و من بعد قاتلي و الشيخ عبد الناصر وش قالي قلتلها يخي قالك ماراحش نصلحلك
و عطوفة وش قاتلي
و من بعد قاتلي بصح يفهموني كيفاش ندير مش تقولي ركزي و خلاص ...
المهم نقلك انها تفاجأت بزاف بزاف بالعلامة تاعها
قلتلها اوعديني انك تحسني خطك و انك ماتزربيش روحك و تعاودي تقراي الاجابة تاعك
و الحمدلله النتيجة جات في سع جابت 9.5 في اللغة الصباح و الحمدلله
و لكن صدقيني ماحسيتهاش فرحاة بزاف قعدت غير تقولي لازم يقولولي كيفاش ندير
هيهيهيهيه قلتلها تحوسي على كطالوج
لكن حسيتها دات درس مليح
تمنيتك غير شفتي عينيها و هي تتكلم بزاف بعينيها تحسيها تفكر من عينيها
الاختبار دارتلهم فقرة من النص وليد يصوم
و تقريبا نفس الاسئلة تصريف و فعل و فاعل و مفعول به و فهم النص و مرادفات و الفقرة على تحضير مائدة رمضان الفقرة دات عليها 3.5
للاسف كتبتلهم الاسئلة في السبورة