السلام عليكم و رحمة الله تعالى و بركاته
نقتبس من الشيخ عبد الناصر
بالنسبة لتلاميذ السنة الثالثة أو دونها ساعتان في اليوم كافيتان لأن الصغار يكونون أقل تركيزا إذا طالت المدة . أرجوك فقط ، ما تاكليش حقو في اللعب و الترفيه .
..............
بارك الله فيك الشيخ
راك توريلنا ش نديرو في القسم و تورينا وش ديرو في الدار
الله يبارك فيك و في صحتك و في علمك اللهم امين
حبيت نزيد حاجة فقط
باش ما يملش الطفل
تقسم الوقت تاع المراجعة و يكون بين مادة و مادة فترة راحة
باش نهربو من تحججاتهم تاع نشرب و نستريح ووو
و باش ما يفقدوش تركيزهم
و عن تجربة النهوض الباكر فيه فوائد عظيمة
كون يوالفو و لو اسبوعين خلاص هوما في ذاتهم يصيرو ينوضو وحدهم
يصلو الصبح في وقته و يستغلو الوقت للمراجعة
و فايدة للام ايضا انهم يرتبو اسرتهم و غرفهم وحدهم
.......................
الشيخ عبد الناصر من فضلك نسألك على فقرة التعبير في كتاب اللغة "السنة الرابعة"
مثلا في النص الاول سر خولة
فيه 4 اسئلة
هل الاجابة تكون على شكل فقرة
او جملة تكفي
امس لما طلبت من افنان تجاوبني على سؤال "لو كنت مكان خولة ماذا تفعل"
جاوبتني
"لو كنت مكانها لا اترك مقاعد الدراسة و اطلب المساعدة من اصدقائي"
لما لامت عليها اريج انه الصدقة مش مليحة و وتقريبا وجهتها للاجابة بجمل كثيرة
جاوبت
"لو كنت مكانها ابقى في المنزل و اساعد ابي في العمل"
لما لمت عليها انا و كان قصدي انها "تسهب في الكلام" ان صح التعبير يعني مش تختصر و طرحت عليها شوية اسئلة
قالت:
لو كنت مكان خولة ادرس في الصباح و المساء و بعد عودتي من المدرسة اذهب للسوق لبيع الارغفة"
هل اطالبها بفقرة او ما اجابت به يكفي
افنان ناقصة بزاف في الوضعيات و شوية مخيلتها ناقصة
و حابة نساعدها
هل اساعدها بجمل حتى تتدرب
او نكتفي بالاسئلة مثلما فعلنا امس
شكرا لك الشيخ الف شكر
و الله لا يحرمنا من نصايحك المفيدة