[نقاء روح]

المشاركة الأصلية كتبت بواسطة ~~ أغيلاس ~~

العفو،

يعني حالك كحال أختي، لما ضرب الزلزال منذ سنوات و كان قويا العالم كله فر لكن لالّا لبست جلبابها و سقمت الخمار كيما يلزم باش خرجت برا !

شيء جميل،

لكن اعتقد أنه لا داعي ليكون الحجاب مستيكي بزاف، يعني تقدر الفتاة تلبس حجابها أو جلبابها و هي تجري، و مش شرط تلبس الخمار تحت الجلباب، تلبس الجلباب مباشرة لأنه ساتر و مستوف للشروط، و إذا كان الحجاب بعيد بإمكان أي فتاة تتلفع في إزار أو درا أو حتى كوفيرطة و تخرج من المنزل هاربة من الزلزال، المهم تكون مستورة،،،،،،

راني نهدر فقط على الهروب !!!!

لكن صراحة رعب الزلزال وحده،

ثبتك المولى .

بارك الله فيك اخي بصح حبيت نوضح شيئ انا لما قلت نسقم حجابي لا ما نقصدش نريقل روحي ههههه اصلا كيفاه نستر الزينة بالزينة احكام الجلباب واضحة للجميع الا من لا يريد رؤية ذلك الوضوح
انا اقصد نسقم في السدل باه نشوف مليح قدامي لخاطر فهاذيك الحالة انا تعرف واش درت عيطت على زوجي يجي تم تم باه يديني لدارنا لخاطر كامل النوافذ الي في الغرف تكسر الزجاج لقوة الهزة وانا قلت مستحيل نبقاو فيها حتان يصلحوها
راك فهمتني يعني جهزت روحي باه نروح مع زوجي لدارنا و الحمد لله هذاك اليوم كان زوجي موجود في قسنطينة والا كنت عيطت لبابا يجيني من خنشلة هههههههه
وصدق اخي لا خفت ولا شيئ الامر عادي والي يكتبه لي ربي يلحقني وتعجبت من البنات هاذي مغمى عليها وهاذي تبكي بالصوت وهاذي تصرخ و المستفيد الوحيد اعوان الحماية المدنية و الاسعاف و الامن التابع للاقامة ليس كلهم الا من رحم ربي
لكن رايت العجب العجاب حتى و الموت كاد يزهق ارواحهم عادي ما حشموش ومتعوا نظرهم بالحرام

وزيد نقلك موقف اخر اخي حدث في الجامعة نفسه الي درست فيها كانت عندنا محاضرة وسمعنا بلي حريق في المكتبة وكان الدخان منتشر في كل مكان تعرف اول الهاربين الاستاذ والبنات والذكور حدث ولا حرج ......انا اتصلت بزوجي فهو استاذي بنفس الجامعة وقلت له على رقم المدرج جا خرجنا بكل سهولة
صراحة معظم البنات يمثلون الخوف و الهلع وهاذي تنزع خمارها وتقول تخنقت وهاذي لاصقة في الاستاذ الفلاني يعني صراحة مواقف تبكي لها العين دما وليس دمعا كما قلت حتى في لحظات الموت ينتهكون حرمات الله الله المستعان
وربي يسترنا في الحياة و الموت



اسفة على الاطالة اخي اتمنة ان لا اكون خرجت عن مضمون الموضوع فقط اردت ان اوضح فكرتي