متـــــــهول بحري من قبل زاد اتهلك >>> جــــــــــــــــاسبه ليا قمري امع لفجار
حملت واحــــد العذره ابقفص امشبك >> ارمــــــت فوق المر حول صوت غار
لـــــــــــــــــو يتكلم ناديت الله ايبارك >> يحكيلي مـــــــــا صاير به قول اجهار
خبرني يا ذا القمري على اللي سجنك >> خدعك و لا كـنت امريض من لبصار
و لا جاك ابـــــغفله هاك لامن شافك > >> كنــــــت امقرنص في ديراخدع الجار
ما خـــــــاف المولى و لا يشفو حالك>> >> ظنيت جــــــــــاهل ما جاب ليك خبار
ما صـفح كتاب و لا اعرف لخصالك >>مـــــــا فرق بين الخصله مع اللي عار
غدرو تعدا معـــــــــــــلوم راد اقتالك >>راك تلاوي فالــــــــــــغرب مع لقدار
كــــنت امولع في لسرار خافي سرك >>عـــــــــــند الامراء معلوم شانك صار
لبد مقرنـص يا قمري و نارق وجهك >>>>>تشــــرب من ما عذب احلو مع لسرار
تــخرج عالي في لسطاح راقم ريشك >>>> تـــــــــــــــــتنزه و شبوبك زايد تفخار
تتـــــــــغنى بيك العشاق شايع خبرك >>> لبنات ايــــــــــمانك و شمالك بالتشهار
يتمنــــــــــى ليك الفنان يسمع صوتك >> يــــــــــحسب نقرك فيه وزان للأوتار
و اللـــــي كيفي مهموم حبيت انسالك >> راني نــــــــــــشبه قفصك هكذا فالدار
ما يجـــلس عندي صديق حالي هالك >> نبني و نـــــــــهدم حيطي على لوعار
تخمامـــي في ذا النوبه ايشابه سجنك >> لــــــــــــــو تتكلم تعذرني احجايا ثار
مـن وحش احبابي وليت حازن كيفك >> حــيـــن انظرتك سالت دمعتي مدرار
ندع المـــــولى في وقتي ايحل اقفالك >> ايــــرشي ذا القفص اتولي احشابونار
يـــــا عارف في معنايا اسمع نحكيلك >> صـــبت ذا القمري مشجون شاو نهار
لونـــــــــــــو مبدل و اعشاير تتحرك >> حين ابصـــرت جبت عليه ذو لسطار
صـايغ ذا المعنى للي اسلك ذا المسلك >> بلجوهر ناظم لبيات كما صـــــــــــار
وطنــــــــــــي ونشريس دور اشمالك >> أهل العــــلم اهلي و اهل التقى و ذكار
و تيـــــارت راني فيها عشير و مالك >>> و الجزائر قطــــــــري ذاك في لقطار
لا تزها بيــــــــــــام و لا يغرك ظنك >>> بــــــــــــــــــــــــعد اللعب ايامنا تنهار
اغفر يا ربــــــي ذنبي اغطايا سترك >> و اجـــــــــــــعلي ليام اللي بقاو اخيار
امدحتك يـــــا ذا القمري امعلي قدرك >>> حمـــــــايم جنسك سداو على المختار