[ام رابحة]

السلام عليكم انا عندي ليكم وصفة هايلة
حلوة الكابريز نعم الكابريز اللي كانشروه و كايشروه الاطفال الصغار
المهم نخليكم مع الوصفة
اولا المقادير عندنا ثلثي رطل الدهان و 2 ساشيات ديال الديول و 1 كلغ كوكاو مرحي 1 ساشي كاملة نتاع الكابريز
اولا ناتي بوعاء نضعه فوق النار لانو راح نعمل حمام مائي نذوبو فيه الزبدة و نضع عليه بعد مايذوب الكابريز اللي نكون نحيتلها الورق نتاعها قبلا نخليها تذوب مليح و ثاني الديول نفارق الاوراق عن بعض و نقليهم في الفرن بسرعة غير يحمارو و نخرجهم نفتتهم مليح مليح و نبداو نحطو شويا ديول شويا كوكاو في الخليط الاول حتى نكملو و نشكلوها كيما نحبو دواير او طويلة على شكل فرشيطة في الكاسات تع الحلويات و لكن بسرعة لازم لانها تجمد بسرعة.
لهذا لازم عليك توجدي الديول اولا و الكابريز ثاني و تكوني رحيتي الكوكاو قبلا
تاكلوه بالصحة و الراحة حبيباتي.
و عندي وصفة ليكم ثاني ساهلة تاع الكرموس او التين
ناخذ عبر تاع دهان عبر تاع زيت و عبر تاع حليب و نلايمو العجينة بالفرينة مليح و بعدين ناخد الكرموس نقطعو الحبة على 3 اجزاء او اقل المهم تكون طويلة باش تعاوننا و ناخذو العجينة نحلوها مليح بالحلال نرقوها غاية و نحطو على الحاشية اجزاء الكرموس و نلويها لية و نصف و نعمل مثل الحربوش و نقطع الحبات مربعات او معينات انا ندير معينات
بعد ماتطيب كي نخرجها مباشرة نرمدها في السكر الرطب و شكرا.