[ام عبودة]

المشاركة الأصلية كتبت بواسطة أم ياسين الزهراء

الحل عندك انت وهو

ارمي كلش في الزوبيا ايه في الزوبيا لميهم الكل بتاع الكبيرة وحتى الصغير وارميهم هكى انا ندير باش ماتقدريش تلقطيهم وخليهم يبكو يبكو حتى يوجعهم راسهم ويوالفو ويبطلو هذا ماشي مليح عليهم البيبروات وهم كبار الله يبارك لازم العزيمة منك انت اولا ونبعد عليهم التطبيق عولي ورديلي بالخبر انا هكى ندير كينجي نحي البيبرو والسيسات لولادي

احييك حبيبتي على صبرك وتحديك وعزيمتكي
كاين اللى ايدني في مشكلتي وكاين اللى شافها انها عادية ما تستاهلش الخوف
انا البارح ديت ولدي عمرو اربع سنوات ما يشكي لا من سخانة ولا من الم ولا من اي شيء
فقط لاحظت انه كا ين حاجة في رقبتو رايحة وتكبر
انا صراحة خفت قلت للعجوزتي قالتي ماكاين والو جابلي ربي gراجم راه كاين الدواء في الفريجيدير لا طبيب لا والو
باباه خوفني ديتو للطبيب قالي هذا ولسيس كبير والسبب انه يرضع في اصبعه بزاف
لازم الدواء لمدة شهرين باش يروح واذا تهاونتي عليه رايح يكبر واثر على الاحبال الصوتية
وفعلا عندي مدة نشوف صوته كامل اروح كي يبكي بزاف او يستغاظ
اكيد المشكل هو البيبرو والسوسيت
لان ولدي ما يرقد اللى بيهم كي ما يلقاهمش يرضع صبعو
فنداااااااااااااااااااااااااااااااااااااااااااء الى كل الامهات لا تتهاونن على اولادكن وانتبهن على كل كبيرة وصغيرة