[can't guess a name]

المشاركة الأصلية كتبت بواسطة ربّي ربّاني

أهلا سهير ...... ربما لن تذكريني لكن انا العضوة ami05 سابقا من البرج هل تذكرتني؟؟؟

أهليين ،، أهلييييين ،، وشراكي ختيتوووو ،، أكيد تذكرتكـ

المهم كيف حالك؟؟ وles controles وش درتي معاهم؟؟

الحمد لله ،، les controles شويّة شويّة ،، أول تجربة ،، و و بزاف ظروف ،، و وو ههه

راكي تشوفي الحالة هنا أنا حبست الجامعة وراني نعاود في الباك حرة إن شاء الله هذه المرة نجيبو بتقدير ممتاز ........ ونلحقكم للعاصمة العام الجاي إن شاء الله ............ ادعيلي معاك أختي

إن شاء الله يا رب ،، كل التوفيق أخيّتي ،، بانتظآركـ ،،



حابة نسألك حاجة على كراسك تع العلوم الإسلامية ...... راهو فوووور بزاف للفهامة وعجبوني الملاحظات لي حاطتهم في الاخير تاعو مي قوليلي حفظتي منو برك ولا زدتي عليه من الكتاب وفي الإجابة هل اعتمدت على الفهم أم الحفظ؟؟؟


الكراس حفظتو حفظ ،، دروس الأستاذ ،، يعني وش كتبنا فالكراس ،، عاودت كتبتو مع الملاحظات ،، ،، اعتمدت عليهم الاثنين ،،، حفظت الكراس و حضرت الدروس فالقسم و فهمتهم ،، بخصوص الكتاب ،، كان الاستاذ يقوللنا اضربو طلّة عليه ،، مليح ،، خصوصا التقاويم لي يديروهم ،، أسئلة في آخر الدرس ،، نت اطّلعي عليه ،، اقرايه شغل مطالعة و كاش معلومة جديدة سجليها ،، كل التوفيق

++ قوليلي شحال جبتي في العلوم الطبيعية + الرياضيات + الفيزياء + العلوم الإسلامية + الفلسفة + الاجتماعيات........ إن لم يكن هناك إحراج

لا والله مكاين على إحراج ،، العلوم ديت 18.5 ،، الرياضيات 18,5 ،، الفيزياء 18,5 ،، العلوم الاسلامية 18,5 ،، الفلسفة 10,5 ،، الاجتماعيات 12 ،،


وين كنت دايرة كور رياضيات السنة الماضية؟؟؟؟؟؟ ..........حليتي تمارين الكتاب المدرسي؟؟؟

عند أستاذي ،، الأستاذ مخوخ ر ،، ربي يحفظو ،،

الوحدة الأولى ربما ،، حليت تمارين الكتاب ،، منبعد اعتزلت ،، ههه ،، حليت من مراجع أخرى ( الباز ) + حوليات و مواضيع الأعوام السابقة ،، و المواضيع لي كنا نديروهم فالدروس الخصوصية ،، و فالقسم كان الأستاذ يحددلنا تمارين لازم نحلّوهم ،،

والفيزياء..............هل من نصيحة لدراسة الوحدة الرابعة .....تع الاحماض والأسس

لأني نفهمها مليح الحمد لله مي كاين أسئلة ما نقدرش نحلهم

كتري مالتمارين ،، و كل تمرين تحلّيه ركزي فيه ،، باسكو الأفكار واحدة و عادة ما تتكرر ،، يبدلك ترتيب الأسئلة و المعطيات برك ،، نت كي تحلي تمرين واحد شامل و تفهميه ،، ربي و رحمتو ،، بقيّة التمارين لي جاية تتعودي عليها شوية بشوية ،، و مع الاكثار ،، c pour pratiquer ،،،

حلّي تمارين الاستاذ فارس فرقاني ،، المرفقة بالحلول + شوية تمارين الكتاب ،، شوية من موقع قزوري ،، تتعودي على الأفكار ،، يولي كي يجيوك أسئلة متعجزيش


ونصائح عامة؟؟؟

مدام مازال الوقت شوية ــ حاولي تبقاي à jour و متخلي حتى ثغرة في أي مادة

بخصوص اللغات ،، متهمليهمش أي كان ،، كاين ملفيّن أكدت عليهم فيما يخص الانجليزية و العربية ،، + الحضور ،، تضمني علامات ممتازة ،، يطلعلك المعدّل ،،، الفرنسية ،، أدا عندك بروف شاطر + بعض المفاهيم + قليل من الجهد = علامة جيّدة

+++علابالك وين يجوزوا الأحرار الباك في البرج؟؟؟؟؟؟ راني خايفة إذا يحطونا في رأس الواد

و لا معلومة بخصوص هذا الأمر أخيّتي ،، أعتذر

اسمحيلي بزاف طولت عليك

لا والله ،، أي استفسار أنا في الخدمة ،، كل التوفيق و إن شاء الله نتلاقاو العام الجاي

جزاك الله خيرا

سلآ،،،،،،،،،،،،،،،،،،،،،،،،،،،،،،،،،، مـ