شكرا نبوغة حبيبتي الله يحفظك
بالنسبة للخيط كنت نستعمل خيط الصنارة بصح الخدمة بيه كانت اتجيني مفرفش وطالعة للسما
لأن العقاش رقيق بزاف وخفيف فالحق متجيش الخدمة بيه متحوفة
بصح ذرك وليت نخدم بالخيط الي يخيطو بيه الصبابط يجي يشبه للخيط الي نخدمو بيه الكروشي بصح تجي لكاليتي انتاعو نيلون ميتقطعش باليد يتقطع غير بالمقص يعني صوليد كيما خيط الصنارة أو أكثر ومننصحكش بالخيط العادي لأنو ماهوش صوليد ويتقطع بالساهل
ومنلفش الخيط على 2 وانما نعقدفالأول ونواصل العمل لأن ثنيه مايساعدكش فالعمل وميجيش شباب
المودال الي راني حاطاتو فيه شحال من بياسة لاصقين في بعضهم البعض وكل وحد تنخدم وحدها وقبل ماتكمليها تلصقيها وتكملي العمل راه الخدمة انتاعو تشبه للكروشي نوعا ما وعلى هاذيك كل بياسة وشحال تتطلبلك من الخيط
ولكن اذا خلاصلك الخيط وانتي مكملتيش الخدمة اديالك قبل ماتخلصيه كامل اعقدي في كاش حبة عقاش يعني تلفي الخيط على العقاشة وتحاولي تمتني العقدة قاع واش كاين ومتقصيش الخيط مباشرة لا حاولي تمشي الخيط الي بقالك فالإبرة في وسط العقاش الي خدمتيه من قبل منها الخدمة تولي متينة ومنها الخيط مايجيش باين
وباش تكملي الخدمة اديالك ديري خيط جديد وعقديه في كاش حبة عقاش الي منها تبداي العمل وتكملي الخدمة اديالك عادي
ان شاء الله نكون وصلتلك الفكرة حبيبتي في انتظار اني نعمل الخطوات بالصور للتوضيح أكثر