[مقدسية]

رمضانكن كريم اخواتي الحبيبات كل عام وانتن الى الله اقرب

تقبل الله منا ومنكم صالح الاعمال

من باب التغيير وكسر الروتين من جهة والبحث عن بديل صحي للبوراك ،يكون مقبول شكلا ومذاقا اقترح اخواتي شكلين وبعجينة واحدة

العجينة

بواسطة علبة لابال (تاع رطل) ناخذ كيلة ونص فرينة+م ك لحظة+م ك سكر+م ك خميرة خبز +3م ك زيت زيتون+ ملح ،نخلط كل المواد ونحدث حفرة في الوسط
ناخذ كاس ماء دافي نضيفلو بياض بيضة(نحتفظ بالصفار للدهن)ونخلط بشوكة ونسكبو على المواد الجافة ونلم العجينة واذاكانت بحاجة للماء الدافي نزيدها ونعجنها مليح ونتركها تخمر لحوالي ساعة

الحشو:

استعملي الحشو المفضل عندك او المتوفر في البيت

بعدما تخمر العجينة نقسمها الى قسمين :

ناخذ الجزء الاول ونبسطو بالرولو على شكل دائرة ونقطعها كما هو مبين ثم نضع القليل من الحشو ونلف لنتحصل على شكل كرواسون

بالنسبة للجزء الثاني من العجين،نقسمو كرات صغيرة وكل كرية نحلها بالرولو ونتعامل معها كما توضح الصور

نضع المعجنات في بلا مدهون بالزيت ونتركهم يخمرو مرة اخرى ،ثم ندهنم بصفار البيضة مخلوطة بملعقة ص خل او ليمون وندخلهم فرن مسخن مليح

وهذا شكلهم بعدما يخرجو من الفرن

وتقدميهم بهذا الشكل

لاتنسوني من صالح دعائكن اثابكن الله الفردوس الاعلى

صح فطوركم