السلأآآآم عليكم اختي واخيراا وجدنا يد المساعدة من مهندسي المنتدى فالاشرار تركونا لوحدنا كل التخصصات وجدوا من يساعدهم ويطلعلهم المورال غير حنا الحمد لله جئتي في الوقت المناسب اولا اعرف بنفسي انا ناجحة في بكالوريا 2012 كنت ممتازة ونطمح نكون من الاوائل في البكالوريا لكن قدر الله وما شاء فعل تحصلت على معدل مشرف لكنه لا يعبر عن مستواي المهم وجَهت الى تخصص الهندسة المعمارية والعمران بكلية الهندسة قسنطينة 3 " زرزارة " والتي كان معدل قبولها هذا العام 14.49 ولي بعض الاسئلة ونتمنى منك تكوني وفية للموضوع وتتخلايش علينا باه نزيدوا نسقسوك (( ما تلوميناش اكي جربتي هذا الاحساس من قبل )) 1/ لماذا هناك الكثير من العزوف عن هذا التخصص والكل يجري ورا اي حاجة متعلقة ب " الطب " ولو حتى براميديكال 2 / في اي جامعة تدرسين ان شاء الله تكوني منيني لانك دخلتي قلبي 3 / انا مقتنعة ان تخصص الهندسة المعمارية و المدنية رائع والعيب راهو فالبلاد لكن لماذا الناس هازين نظرة مش مليحة عليها..مافهمتش 4 / اخبرينا قليلا عن طبيعة الدراسة يعني كيفاه حتى بديتو تتعلمو وتوليو مؤهلين تخدموا مجسمات ......ماتضحكيش عليا بصح انا كي نشوفهم نقول بالاك انا مستحيل نقدر ندير هاذو هل كان لك هذا الشعور قبل بداية الدراسة والعمل بالورشة وسامحيني طوشتك بالاسئلة اتحمليني على وجه ربي