السلام عليكم ورحمة الله وبركاته
هده الوصفة منقولة من احد المنتديات انا كنت ندور عليها لانه مطلوع مغنية اروع مطلوع دقته
بغيت نجربه ان شاء الله لما نجربه نحط لكم التطبيق المهم اليكم الوصفة
جبتلكم وصفة تقليدية وضرورية في كل بيت خاصة مع لحم العيد
وأحنا عندنا نقولولو المطلوع في الغرب الجزائري
ناخد قصعة للعجن نضع الملح وخمارة الخبز ومن ثم الماء الدافئ
نضيف الفرينة مع القليل من السميد الرقيق أو دقيق القمح
يخلط العجين جيدا ويترك ليرتاح مدة10د من ثم نعاود نعجنوه مرة أخرى ونلموه مليح
ونخليوه يخمر من بعد مايخمر نعاود نضربوه بيدينا \لطخوه\ونخليوه يخمر مليح هذه المرة
هاد لعجين يجي مثل عجين السفنج
مين يخمر مليح نقطعوه الى خبزات ونضعهم في السميد الرقيق ونضعهم في \طبيقات\
ونتركوهم يخمروا 15د من بعد نبداووا نخبزوا بالواحدة
والشرح بالصور أوفى :