اليوم حبيت نتقاسم امعاكم الطبق الرئيسي اللي درتو اليوم اللي هو عبارة علي فريت اللي شفتو في احدى المنتديات و نشكر صاحبة الوصفة اضافة الى عجيجات بالدجاج شفتو في قناة سميرة اللي طبقتهم وعجبوني . هذه اول مرة اندير الصور في ٍ طريقة التحضير فارجو التشجيع باش ما نفشلش نبدا بالعجيجات القادير شوي زيت + بصلة مقطعة رقيقة + سنينات ثوم + صدر دجاج + زيتون اخضر مقطع دوائر + ملح + تابل + قليل من الزنجبيل المطحون , نحطهم يتقلو شويا امبعد نمرقهم بشوي ماء ونحطوهم يطيبو كي يطيب الدجاج ناخذ الدجاج ونفتتوه و نخلي هديك المرقة على جنب انضيفو للدجاج زيتون اخضر مقطع و معدنوس وبيضتين + 2 مغارف اكبار فرينة . نخلطهم مع بعض . ناخذ كمية بالملعقة و نحطوها فوق الفرينة خاطراش اتجي شويا ما هيش حاكمة روحها انديرولها الفرينة في كل الاتجاهات باش تحكم روحها شويا انا استعملت يديا باش تسهال عليا شوفو كي قليتهم امممممممممم الان انروحو للفريت انا عايلتي صغيرة درت 3 حبات بطاطا كبار قطعتهم وقليتهم كيما تعرفو الفريت كي طاب الفريت ارجعو للمرقة اللي طيبتو فيها الدجاج ولوحو هاداك الفريت في هداك المرقة اللي تكون شويا برك زيدولها المعدنوس . غطوها و خلوها تتشرب هاديك المرقة , وفي الاخير تقدم بالصحة و العافية , ارجو التقيييييييييييييم