باش نكون صريحة معاك وانا هكذا طوال الوقت
طبيعي اني احكم على شخص من مظهر نتاعوا قبل اي حاجة خصوصي اني منعرفوش ولكن حكمي ميكونش مبني على شخصيته ابدا بل قصدي انو اذا شفت وحدة لابسة لبسة مش مليحة مش رايحه نقول مش متربية لكن احكم ايضا على تصرفاتها بالاضافة الى شكلها والحكم الي ناخذوا عليها طبعا لا اشاركه مع احد ولكني اسعى للتعرف عليها لتقريب الحقيقة من ذهني عما اذا كانت تصرفاتها تطابق شخصيتها .
الي تلبس بره لبسة ماشي مليحة سروال يكون قريب يتقطع عليها والوان جاذبة وتتمايل في المشية اكيد هدفها جذب الشباب لانو اي واحد درك تفوت عليه طفلة يسمعها كلام تكون ماشي موالفة تسمع مديح مثلوا اكيد يعجبها الحال باش نحدد اكثر اني نحكي على فئة معينة وكاين فئة اخرى تطلب الاهتمام عمبالها المورال يطلع كي يقلها كاش واحد راكي شباب اليوم ولا شارعنا منور هكذا وانا عن نفسي نعرف بنات هاك ثقتهم بنفسهم مربوطة بكاش واحد يسمعها كلمتين مرة اخرى انا لا اعمم وليس الذنب على الفتاة فحسب وعلاش ميكونش الذنب على الراجل ولا لازم كي تفوت من قداموا كاش وحد قلبوا ميطاوعوش يخليها تروح بلما يطلعلها المورال مسكينة حزينة وطبعا اشباه الرجال وهم كثيرون حاليا يحمي ختوا ويخبيها عن اعين الناس والبنت الي تجي فاية من قدامو ولو كانت لابسه لبسه محتشمة ومقادرة روحها وتعرف كيفاش تمشي ماشي رايحه تسلك من هدرتوا لانو مكانش حاجة اسمها رجولة لانو الدين ضعف بداخلنا و حنا غير نقلدوا في الغرب حسبالنا حاجة مليحة وهذا كل راي بالمختصر اتمنى نكون وضحت وجهة نظري وللاضافة انا كنت وحدة من هذوك البنات الي تلبس حاجة تلفت بيها الانظار مننكرش هذا الشيء لكن هذاك الوقت فات درك انا نلبس عباية والحمد الله راحت عني عقلية زمان.