[~ حراير ~]

السلام عليكم و رحمة الله تعالى و بركاته
كيف حالكم جميعا
الشيخ عبد الناصر طهور ان شاء الله
عطوفة العزيزة الحمدلله على السلامة و بارك الله فيك على كلامك الطيب
الأولياء و الوليات نتمنالكم نهار طيب و سعيد



الأخت مونيا 5 ننصحك بالصبر و المداومة على تدريس ابنك
اذا راه مش حافظ الحروف خلاص ابدايه بالشوية ماتضغطيش عليه بسبب الإمتحانات
و يوميا ديريلو زوج حصص املاء و قراءة و كتابة
و بالشوية بالشوية راح يتعود
اهم حاجة كيما قتلك
الصبر و المداومة على القراءة و الإملاء و الكتابة
بالتوفيق اختي و ما تتقلقيش بسبب الإمتحانات
لأنه اذا تقلقتي راح تنقليلو التوتر تاعك "كثري من الإستغفار"
اذا شفتي الوقت فاتك استدركيه في الأيام الجاية و ما تخليش الهدف تاعك هو هاد الإمتحان
خلي الهدف تاعك هو الإمتحان الثالث و باذن الله راح يتفوق فيه
"هاذ مجرد كلام مجربة درك يجاوبوك الخبراء و يوفو و يكفو"
و زيدي راجعي الصفحات الماضية تلقاي بعض النصائح المفيدة

سلامي للجميع و بالتوفيق لوليداتنا و بنياتنا
و ما تنساوش زودولهم بالدعاء