ههههه عجبتني قصة الثوم شكرا اختي ام كررمين ممكن تقوليلي من وين انت حسيت بللي من ورقلة من لهجتك ههه حكمتك نحكيلكم قصتي مع البطاطا المقلية هي في الحقيقة قصة راجلي بصح كيما تعرفة المراة هي اللي دايما تروح في الرجلين نهار كنت حامل ببنتي ربي يحميهالي ان شالله زوجي مانعرف شكون قالو البطاطا المقلية باش تجيك بنينة كيما نتاع المطاعم لازم تقطعها عادي وتغليها نص طياب وخبيها في الكونجيلاتور ونهار تحب تطيب اجبد واقلي مباشرة وانا زدت اكدتلو المعلومة كنت غير كيما شفت واحد الحصة ماشفيتش واقيلا في فتافيت قطعت البطاطا وطيبتها نص طياب وخباتها في الكونجيلاتور قالت تجي بنتها روعة المهم راجلي يحب يعاونني في الكوزينة نهار يكون قاعد شد قطع وغلى البطاطا ودار كل كمية في صاشي وحدها وخباهم في الكونجيلاتور قالي انت راكي عيانة كنت داخلة للتاسع ونهار نحبو نطيبو يجيو ساهلين(ياك بيني وبين راجلي نورمال هههه)ودار الله يبارك قيس عرش ههه نهار ولدت جات عجوزتي وانتم تعرفو العجايز والسلافات يالطيف زعما بداو يخملو في الفريجيدار بداو يجبدو في البطاطا ويضحكو علي زعما مارانيش مرا وماما كانت قدامهم جات تعيط علي وانا نافسة هههه قلتلها ماشي انا راجلي هو اللي دارها المهم دارو علي قصة وايستوار وليت مانيش مراة راجلي دارها وانا خلصتها هههههه كي نتفكر نضحك من بعد نتقلق من هدرتهم ومعانيهم وخزراتهم