[ثلوج الشتاء]

المشاركة الأصلية كتبت بواسطة ياسمين1990

السلام عليكم
أختي تبعي معاي الطريقة : جبي السميد من الأحسن يكون متوسط أحرش مثلا:كيلو سميد زيدي مغرفة زيت عادي وملحي كما تحبيه يكون ثم خلطيه مليح بيدك
ضفي عليه مغرفة صغيرة خميرة نتاع الكسرة زيدي الماء يكون دافئ ولمي العجينة غطيها وخليها تخمر من الأحسن وضعيها في كيس بلاستيكي غدائي وتركيها
مدة ساعة أو حتى تخمر على حساب الجو إذا كان دافئ أو بارد ثم ابداي في العجين مع تقطيع العجينة لمدة أكثر من عشرين دقيقة يعني وكأنكي في حرب مع اليهود ثم أبداي رشي بالماء بشوية حتى ينطلق ضربيه بيدك حتى يرجع مثل الحليب الرائب ، بعد هذه المعركة خليه يرتاح وجيبي اربع بيضات خلطيهم مليح
وضيفيهم علي العجينة ،.خليها ترتاح اطول مدة انا مثلا ندير في اليل ونحطو في الفريجيدير وفي الصباح نطيبو يجي يهبل .
اتمنى لك النجاح وادعيلي بالخير على حساب الثقوب لتجي فيه وبصحتك انت والعائلة .

يعطيك الصحة اختي ربي يجازيك على الوصفة وعلى خفة دمك والله قتلتيني بالضحك