[zahra30]

السلام عليكم
طريقتي في تحضير اللوبيا بالكرعين راهي ساهلة وبنينة ما شاء الله راح نمدلكم المقادير مع الطريقة وبلا ما نطول عليكم
اولا اللوبيا لازم تكون شمختيها بليلة في الماء وشوية خميرة الخبز وغدوة هذيك شليها وطيبيها نص طياب ماش لازم تتفتت و راهي ما تحتاج لاكوكوت
ثانيا الكرعين غليهم في شوية ماء وملح وفلفل اسود وسنينة ثوم وورقة رند
وبالنسبة للمرقة
نحتاجو بصلة مقطعة رقيق ونقليوها في شوية زيت ونزيدو الثوم والتوابل اللي هي ملح وفلفل اسود وراس الحانوت وكسبروفلفل عكري مخلط ونزيدو حبة بطاطا مقطعة متوسط وحبة جزر ايضا مقطعة دوائر ونزيدو حبة طماطم مسكرفجة و معدنوس ونخليهم يتقلاو شوية وامبعد نزيدو اللوبيا والكرعين وبعد ما يتقلاو نمرقهم بزوج كيسان ما سخون ونقفل عليها لاكوكوت لمدة 10 د ولا 15 د على نار هادئة ( الكمية حسب العائلة انتاعك )
وكي تشوفيها طابت وانها خثارت شوية زيد حطي راس فلفل اخضر وشوية معدنوس وكمون وطفي عليها النار وغميها بالغطاء باش تبقى ريحتها تهبل وبصحتكم
شوفو انتاعي امممممم




في امان الله