بطلب من لهومة اللهلوبة حطيت الوصفة موضوع ليسهل الاطلاع عليها بعد ماحطيتها في احب موضوع لقلبي واش طيبتي اليوم ؟ يعني الوصفة ماهيش ليا انا جربت برك ههههههههه يا بنات ياحلوات شفت في قناة سميرة البابا بالبرتقال وجربتها حبيت نشاركها معاكم المقادير نفسهالي دارها نقصت السكر برك بانتلي الكمية كبيرة في الاول حضرت شربات400غ سكر مع 1ل ماء وغليت فيها دوائر البرتقال هو قال 500غ تم كراميل 7م سكر وقطرات ماء وفرغته في الصنية ودرت عليه البرتقال لي تغلى في الشربات 5د حضرت خليط البابا 6بيض كأس زيت كأس حليب 5م سكر هو قال 150غ 2 خميرة الحلوى وليس الخبز و250غ فرينة وفرغته على الكراميل والبرتقال والى الفرن لما طابت وخرج السكين ناشف اقلبتها مباشرة في صنية الفرن وشربتها خليتها 30د وقطعتها