السلام عليكم اخواتي حلوى الجلجلانية بنيسلي حلوى اقتصادية وبنينة تذوب في الفم يمكن نحضرها حتى في المناسبات. https:// المقادير هذي تقطع32حبة. المقادير: 250غ مرقرين انا نستعمل دائما لابال. 5م ك سكر رطب 3صفار بيض 2م ك جلجلانية محمصة 3م ك نشاء نصف باكي خميرة فاني فرينة انا نستعمل دائما سيم. نحتاج ايضا الى: كمية من الجلجلانية البيضا مش محمصة نيسلي كرامليزي شكولة حبات لوز بالقشور الطريقة: بواسطة الخلاط الكهربائي نخلط المرقرين والسكر جيدا ثم نضيف صفار البيض ونخلط ثم الجلجلانية والنشاء والفاني والخميرة ونضيف الفرينة حتى نتحصل على عجينة تكون طرية نوعا ما مالازمش نشيحها بزاف نشكل كويرات بحجم25غ https:// نحتاج الى هذا النوع من لي مول كاين عدة اشكال https:// نمرر الكويرات في الجلجلانية البيضا من بعد نحطها في لي مول ونضغط شوية عليها https:// ندخلها للفرن تطيب في فرن يكون مسخن على180درجة تقريبا 8د من الاسفل تكون طابت ثم نشعل عليها من فوق نخليها تبرد وننزعها من لي مول لازم نضغط من الاسفل وننزعها باه ما تتكسرش هذا شكلها بعد ماطابت https:// ناخذ نيسلي كرامليزي راه متوفر في السوق او نشري العادي ونطيبوه في لاكوكوط نحط نيسلي في المنتصف ونحط من فوق حبة لوز https:// نذوب شوية شكولة على حمام مائي نضيفلها غير شوية حليب ونين الحلوى من فوق نحط الحلوى في ليكيسات ونقدمها وهذا شكلها https:// https:// https:// عن قرب https:// نتمنى تعجبكم الحلوى وتجربوها وتنجحو فيها في امان الله