بكل سرور أختي لقد عملت الطريقة من عند الاخت ninafret مع بعض التعديلات العجينة جات تذوب في الفم كاس حليب دافئ+ ملعقة كبيرة خميرة الخبز+ملعقة كبيرة سكر+ ربع كوب زيت اللي كيلتي بيه الحليب+ملح. خلطي كل المقادير وزيدي كاس فرينة وخلطي بملعقة الخشب غطي الصحن بكيس وخليه 5د بعدها زيدي الفرينة وعينك هي ميزانك زيدي بالشوية وخلطي حتى تتحصلي على عجينة طرية ماشي يابسة ادهنيها بالزيت وضعيها في صحن كبير مدهون بالزيت. إضغط هنا لرؤية الصورة بحجمها الطبيعي. وغطيها بكيس وخليها تخمر. إضغط هنا لرؤية الصورة بحجمها الطبيعي. في هذا الوقت حضري الحشوسواء لحم مفروم او دجاج حسب رغبتك انا عملتو بصدر دجاج وذلك بعد ما كنت طبخت الدجاج في ماء وملح +ورق الرند وزعيترة مليحة لكي لا تبقى رائحة الدجاج جربيها وقوليلي ثم نصفي الدجاج وانا خيرت الصدرنضعه في طنجرة +ملعقة صغيرة زيت +ملح+رند+فلفل اسود+شوية ماء ونخليه يطيب مليح. في مقلات حطي حبة بصل مكرفشة+ ملعقة صغيرة زيت وملح + حبتين طماطم معصورة من الماء اللي فيها ومرحية بدونقشرة+ ثوم حسب رغبتك شوية او بزاف +ملعقة صغيرة طماطم مصبرة تكتكيهم مليح +ملعقة سكر+حشاوش خلي الكل على نار هادئة كي تعود لاصوص قريب تنشف+ضفي صدرالدجاج الطايب وفتيه باه يشرب لاصوص ويجي بنين.