حبيت نقولك شكرا ليك بزاف و لأم رامي ثاني راكم نحيتو عليا شقا كبير و الله كنت نخاف ندير العجينة المورقة كانت بالنسبة ليا طابو كبير بالصح البارح الصباح شفت الموضوع تاعك و دارلي الكوراج باش نطبقو و غير مع خرجت من الخدمة لعشية قررت نقضي دوزانها و نخدمها . و درتها البارح لعشية بصراحة طبقت كل الخطوات بالتفصيل و جاتني روعة دارنا كامل حارو ماما كانت غايبة و كي جات في الليل لقاتها واجدة حسابلها شريتها و الله يعطيكم الصحة . البارح درت لي فولوفون جربت بيهم برك و كيعاد هكا العجينة لي بقاتها اليوم قلت ندير بيها لي مونشون تاعك حبيبتي خاطر عجبوني هوما و الميني بيتزا بزاف . ربي يعطيك ما تتمناي و يهنيك انتي و ام رامي و حباباتنا كامل هنا.