السلام عليكم ورحمة الله وصفتي اليوم مختلفة قليلا عن ذي قبل لكن النتيجة مبهرة والذوق ممممممممممم وتحمر الوجه قدام الضيوف المقادير مقاس السينية 30 سم طول 25 سم عرض 2بيضات 2م ك سكر عادي 2 م ك فرينة م ك نشاء م ك ونص كاكاوو نصف باكي خميرةحلوى نخفق البياض والصفار كل وحده البياض مع رشةملح والصفار مع السكر والفاني ومن بعد ننخل الفرينة مع النشاء والخميرة ونضيفهم على دفعات ونحرك بهدوء نحط الخليط في سينية فرن مغلفة بورق الخبزوالى الفرن لانها طبقة رقيقة رح تطيب بالخف غير تطيب ننزعها لانو ادا بالغنا في الطياب رح تتكسركي نجو نلووها ايضا سر من الاسرار باه ماتتكسرش اثناء الطي لازم العجين مايكونش ثقيل بزاف نلفها على فوطة مطبخ مندية بلطف ونغلقها ونحطها في التلاجة تبرد تماما ونحضر الكريمة كريمة الزبدة كيلة زبدة طرية نستعمل لابال نصف كيلة سكر قلاص كميةمن الحليب فاني نضرب الزبدةوحدها مليييح حتى تبياض ويخف قوامها نبدى باضاةالسكر على دفعات ونخلط تم الفاني واخير الحليب ونواصل الخفق حتى نتحصل على كريمة قوامها خفيف ولونها باهت نخرج السويسرول ونفتحه ونحط كمية من الكريمة مليحة لازم الكريمة تكون بكثرة ونعاود نلفها نحضر الشونتيي ونطليها من فوق نستعمل هد القمع للتزين ونرش الكاكاوو بسخاء لازم يكون من النوعية الجيدة نحطها في الكونجلاتوع مدة 10 د باه تتماسك ويسهل تقطيعها المميز في هدا السويسرول المقادير اقتصادية قطعتلي 7 حبات الطعم يكون غني بالكريمة طبقة العجينةتكون رقيقة والكاكاوو يوازن الطعم اتمنى تجربوها خصوصا للضيوف ومانحكيش لي جايين يخطبوها وتقدموا مع العصير ههههههههه يديوها معاهم طول اسمى التحايا